Sanabria

No mes de decembro acadamos xa os 8 graos por debaixo de cero nas montañas de Sanabria. A neve ainda non  caeu e dende a lagoa de Sotillo só os pequenos regatos e as charcas  aparecen xeadas durante toda a xornada.
O camiño segue a senda que tan ben coñecemos, que tanto trotamos. Hoxe marcada como GR84. Os hitos son altos pero moito me temo que non o suficiente ante as grandes nevaradas que han de chegar.

Algunha foto para ilustrar as dúas duras xornadas de montaña.
Saúdos

As cascadas de Sotillo, cerca da lagoa do mesmo nome, aparecen con xeo.

Trevinca e Pena Negra ao fondo

GR-84: Integral do "Parque natural del lago de Sanabria"

Interesantísimo sendeiro de gran percorrido que con 89 km. en seis etapas, saíndo dende a Casa do Parque, circunda os limites diste gran espazo natural que con tanto acerto xestionan dende a Comunidade castelan-leonesa.
Arranxáronse un bo feixe de refuxios na montaña aproveitando estructuras de antigos chozos na serra, preparáronse un bo numero de fontes, pontiñas e dotouse dunhas balizas de sinalizacion solidas e pensadas para a invernía.
Grazas por un traballo ben feito, non sei si pola banda de Galicia pegarasenos algo.

Quedanos pendente para protexer completamente iste gran espazo natural que se chama Macizo de Trevinca atopar recursos de protección e xestión medioambental nas zonas de Leon e Ourense atacadas polo mal das pizarreiras que devoran as montañas con instinto depredador cal pais tercermundista coa colaboura dos gobernos correspondentes. Namentras disfrutade diste parque único.